منتدي المحامين العرب  المنتدى العام  لا اسمع لا ارى لا اتكلم

salwa alfares التاريخ 12/2/2009 3:43:41 AM   لا اسمع لا ارى لا اتكلم        كلاكيت تانى مره نفس الماكت الاعلانى هكذا تستمر شركة الدعاية نفسها وبنفس التصميم فى عرض أوهام ملونه على المحامين وجلس عبده المحامى فى رحلة البحث عن رغيف العيش فقط رغيف العيش ليجد برشور ملون به مجموعة من الانجازات كاد عبده ان يجن ياعم الحج المحامى مش لاقى رغيف العيش أمال راح فين محامى السلم ومحامى القسم ومحامى .... ومحامى مش لاقى البدلة ومحامى ومحامى مش لاقى الجزمه شريحة كبيره من المحامين مش لاقيه العيش الحاف والناس واقفين فى نوادى وسط كتب أبصر مبانى و.... الخ هو هو نفس الماكت الاعلانى كلاكيت تانى مرة افتكرت كنت نايم لا مش هظلم كنت بحلم برغيف العيش افتكرت من ست شهور أتوزع علينا سى دى وبرشور وساعتها أجرت مخى واعطيت صوتى لصاحب البرشور ماكنش عارف ساعتها انا عايش ولا مسطول ولا مسحور صدقت كلام البرشور صدقت كدب السطور فى النهاية ولا تتعب ياعبده هتلاقى العيش بس هتقفوا طابور أوقفوا طابور ياسادة لازم يكون لسانكم مبطور ولا تقولوا مظلوم ولا تتكلموا عن المقهور أفرح ياعبده هيجي المرشح بالبرشور ما انت مجرد ناخب لمرشح صاحب البرشور احمد ربك ياعبده انك لقيت أحلامك ولو فى سطور سطور ملونه احلام فى البرشور ولا تتكلم ياعبده أحسن يبنوا لينا قبور فكر ياعبده أنت لسه مغمور وهو صاحب البرشور حضر نفسك ياعبده هيبنوا لينا قصور خاف على لحمك ياعبده أحسن هم صقور هنغرق كلنا ياعبده بس هم أكيد هبعدوا على الجسور عايشين فى أمان فى قصور اوعى تكتر ياعبده أحسن يقولوا عليك عليك مأجور ياصاحب البرشور المعلومات وصلت لينا انك كنت مع المشهور وقعدت تقول اشعار فى المسئول سلفنى الماكت بتاعك نفسى اكون مشهور وزع وزع ياعبده المنشور لحد ما نام عبده وحلم يكون عصفور يتكلم بصراحة لو حتى وسط سطور صحى عبده شاف مرشح ميسور ساعد ياعم صاحب البرشور انت ضايع ضايع هو اكيد منصور ام انا اعانى من اعتناق مبدا لا اسمع لا ارى لا اتكلم السكوت على الماكت الاعلانى يعد مشاركة فى تضليل المحامين المعركة مستمرة بينى وبين صاحب البرشور اتهمنى أحد أنصاره أنى صاحب عاهة فكرية واني من اصعب ما يكون الانخراط يوما ما فى المجتمع وانى ضم العقول المغلقة على نفسها واهتم بقشور الامور والاقل قيمة وضحكت والحمد لله الذى جعل الضحك دواء للهم ولكن ينتابني احساس بالفشل فى توصيل وجهة نظرى بشكل سليم وانى اعتنق مبدأ لا اسمع لا أرى لا أتكلم مما جعلنى اشعر انى غير متفائلة لما يفعلة البعض معى لانى بنظرهم ليس اكثر من سطر وسط سطور وانى لابد ان العب دور الضرير فى مسرحية الحياة وعلى الاعتراف ان العناوين والمنشتات من يضعها الكبار فقط وفى وسط كل هذا رايت أخيرا نماذج فريده فى المجتمع صورة تقترب من الكمال صور بعيده عن التحاور الملوث شخص غير مدرب لخوض معارك غير شريفة غير قادر على عمل تربيطات ملوثة ولا عيب فى هذا حقا لا يعيب هذا الرجل الا انه ليس لدية المكر الكافى للتعامل مع الاخرين هذا الرجل الذى اعتمد فى حملته الانتخابية على المخلصين وليس المتخصصين فى العمليات الانتخابية الرجل الذى شكر فكرة الانتخابات لانه كانت وسيلة وصال جيده بينه وبين زملائه المحامين الشخص الذى أعرب فى أكثر من جلسة مع المحامين ان الانتخابات لم تكن حرب واني احتفظ بعلاقتى الطيبة بمرشحي الجيزة ولو لم أكن نقيب فالتوفيق من عند الله وحده فاسعي فى خير والحمد لله لم اخسر نفسي ولم اخسر زملائي فحب الناس لي بمائة منصب ولقب الا هو د رجب حسن عبد الكريم نقيب للمحامين الجيزة وفقك الله استاذى ورعاك ولكن برغم من كل هذا اشعرانى محبطة من عدم الصياح بكلاكيت تانى مره نفس الماكت الاعلانى ولكن يبدو انى احتاج كتير من الأشياء الا وهى تعلم المكر من الاخرين وايضا ان لا أثق بالاخرين الى النهاية وعلى تدريب نفسى لأعيش بأظافر وانانيب وانى على محاولة ترك مبدا لا اسمع لا ارى لا اتكلم وعرفت ان الشتاء قادم لا محال والامطار تستقط لا محال ولكن هل ستجد الغطاء عندها ام اننا سنصمت بذات المبادىء البلهاء ولابد لكى اعيش ان اتعلم بعض الاشياء ان اعيش بلا اسماء معروفة مغمورة لا يهم المهم انى اعيش بلا اسماء واعيش لو لمرة واحده اسمع ---- ارى ---- اتكلم

الانتقال السريع        اختــــار ------ منتـــدي المنتدى العام ------ ------ منتـــدي من أعلام القضـاة والمحـامين العرب ------ ------ منتـــدي استراحة المنتدى . ------ ------ منتـــدي منتدى الاستشارات القانونية ------ ------ مكتبـــة الأبحاث القانونية------ ------ مكتبـــة القوانين العربية------ ------ المكتبـــة الصوتية------