مصطفي الفقي: فصلوني من الرئاسة بسبب قضية لوسي أرتين 
23/07/2008 جريـــدة البديل
قول يا " فقي " قول .. ازاي الست لوسي وصلت ليك و لابو غزاله
لوسي كانت بتكلمني في التليفون أنا والمشير.. لكن ماكنش بيني وبينها حاجة
كتب: خالد وربي
قال الدكتور مصطفي الفقي، رئيس لجنة العلاقات الخارجية بمجلس الشعب، إنه أكثر واحد تم فصله من مواقع مختلفة، وهذا الكلام عليه محاذير كثيرة، وأضاف، في لقائه بأعضاء نادي روتاري مصر الجديدة أمس الأول: كان فصلي من الرئاسة بسبب قضية لوسي أرتين، أيوة كانت بتكلمني في التليفون، وكانت بتكلم المشير، لا أنكر، وهو خطأ إداري بحت، لكن ماكنشي فيه بيني وبينها حاجة ...
****************
ده الخبر اللي نشرته جريده البديل يوم الاربعاء 23/7/2008 يوم " عيد العوره " علي رآي الرئيس الراحل محمد نجيب .. الخبر طبعا اطول من كده لكن انا توقف فقط امام حكاية الست لوسي ارتين قريبه الست نيلي و الست لبلبه و صاحبه قضيه الفساد الشهيره بتاعه رشوة القاضي و القبض عليه متلبس من شقتها ثم احاله الموضوع كله للنائب العام و صدور امر بعدم النشر ثم حفظ القضيه كلها بين يوم و ليله السيد مصطفي الفقي اللي كان خلال الفتره دي و كانت الفتره دي تقريبا عام 1993 كان ايامها سكرتير سيادة الريس حسني مبارك للمعلومات و زعلان انهم شالوه عشان الست هانم كانت بتتصل بيه و كمان غلط و لسانه زله و قال انها كمان كانت بتتصل بابو غزاله .. ياسلام علي الفضايح و الفساد اللي البلد كانت و اللي لازالت عايشه فيه الله الله قول يا عم فقي قول و اكشف و و هات من المستور .. و ما خفي كان اعظم .
قضيه لوسي ارتين قضية فساد كبري عاشتها مصر في زمانها الجميل راح ضحيتها الفقي و ابو غزاله و شوية ضباط و طبعا القضيه بالبلدي اتطرمخ عليها و اندفنت .. يا تري في كام لوسي ارتين في مصر دلوقت ؟؟ !! .
و سلامي للديمقراطيه و الحريه و النزاهه و الطهاره اللي بتتحكم بيها بلادنا العزيزه .
اسعد هيكل
http://heakal.maktoobblog.com/
