http://ar.wikipedia.org/wiki/%D8%B3%D8%A7%D9%85%D8%AD_%D8%B9%D8%A7%D8%B4%D9%88%D8%B1
سامح عاشور (و. ) نقيب المحامين المصريين حالياً ولدورة واحدة سابقة ولم يقدم إي إنجازات للمحامين وتاريخه النقابي مليء بالمخالفات المالية وهوعضو مستقل في مجلس الشعب المصري لدورة واحدة ماضية عن إحدى دوائر محافظة سوهاج إلا أنه رسب في الدورة التي تلتها ولم يستطع النجاح بعد ذلك . ولد في ساقلته سوهاج.
اساتذتى المحترمين بعد التحية
اذا افترضنا مثلا ان المرشحين الاتنين سامح بيه وطلعت باشا لا يصولحان لهذا المنصب فستكون المفاضلة هي بين شهاب الدين واخوه (محذوف بمعرفة الادارة)
ولكن المفاضلة دي طبعا يمكن يعقدوها ناس بتوع مصاطب قاعدين بيلعبوا سيجه على ترعة بحر البقر لكن الناس المثقفين المحترمين ما تعملش كده ابدا ولا تسمح لحد ان يفرض عليها كده ابدا اذا كنت انا مقتنع ان المرشحين الاتنين مينفعوش يبقى ابحث عن حل تالت كأن نوجه الدعوه مثلا لناس محل ثقة ومشهود لهم بالكفاءة والنزاهة أو في اضعف الايمان نمتنع خالص عن التصويت وبكده نعطي درس بصفتنا الطايفة اللي الشعب بيعقد عليها امله واللي بيعتبرها صمام الأمان وميزان العدالة ندي للشعب درس في الممارسة الديمقراطية ونفهمه ان السياسة زي ما هيه فن الممكن هي ايضا فن المستحيل ونعمله ان بيت الشعر بتاع ابوالقاسم الشابي مجاش من فراغ لما قال:
لازم احنا نكون قدوة للشعب
إذا الشعب يوما اراد الحياة فلابد أن يستجيب القدر
بعد كده بقى ما يطلعش واحد من اخوانا اياهم ويقولك ان سيادة النقيب الوحيد الاوحد الذي لا تأتيه الخسارة الانتخابية من بين يديه ولا من خلفه والذي له ملكوت النقابات الفرعيات والعامات كمانات نجح بفارق 50000 صوت مش عارف ايه في ايه ، بس العداد دا ملعوب فيه اكيد ، وكمان نقدر نقول للناس بتوع المهن التانية اللى مش نازلين لينا من زور وبالفم المليان احنا مجتمع محامين ونخبه نقولهم احنا فعلا كده متميزين لاننا فاهمين يعني ايه ديمقراطيه ولو فرض علينا اتنين او تلاته او عشرة مش عايزينهم نمتنع عن التصويت لاننا نخبة بحق وحقيق مش نخبة كده وكده ، ولا ايه يا اساتذة ولا عايزين الناس ترجع تقول ان الصعايدة بتوع سجولتا كان عندهم وعي وبعد نظر ومفهومية اكتر من حضراتنا وسيادتنا ونيافتنا كمان وكان عندهم ايمان اكتر مننا لانهم لم يلدغوا من حجر واحد مرتين اتنين زي ما شوفتكم كده في الموسوعة الحرة بتاعة الانجليز كاتبين ايه عن النقيب سامح عاشور وقايلين ان سجله وتاريخه حافل بالمخالفات المالية وكانه كان شغال في البنك المركزي ومولعها وادفع يا محامي اشتراكات واحنا بتوع المخالفات واهو الكلام رسمي من وكيبيديا من من موقع الصعيدي ولا حاجة.
كنت اتمنى من اساتذتى ان يطلع علينا استاذ بمثل هذا الرأي لكن للاسف محصلش وعشان كده من حق سامح عاشور ينجح ومن حق الاسوأ منه ميت مرة ينجح كمان طالما ان جمهور المنتخبين كده ووعيه الديمقراطي والسياسي على قده كده مش كده بس من حقهم الناس اللي بالي بالكوا يحكموا الشعب بالحديد والنار لاننا مش بنعرف نختار وساعة الجد بنضرب لخمة ونحتار وربنا حيودينا كلنا النار
وبعدين يا استاذة يا افاضل هي المحامين عدمت قيادات وطنية وشريفه وامينه ومعندهاش مخالفات ماليه مهينة ما عندك كتير أوي أوي زي الدكتور محمد كامل والاستاذ مختار نوح وامثالهم كتير ناس محترمين وزي الفل ولهم تاريخ نظيف ، أمال لما احنا يا محامين ما عندناش كوادر تنفع لقيادة النقابة يبقى من حق الرئيس يقول مش لاقي نائب فعلا والله على كده الله يكون في عون الريس ويكون في عون الشعب من بعده بعد عمر طويل ان شاء الله
طيب وليه حنروح بعيد بالذمه لو واحد زي الدكتور مصطفى عمر اترشح لمنصب النقيب او واحد زي الاستاذ هشام المهندس او زى الاستاذ مدير الشبكة احمد قناوي ولا الاستاذ اللي عارف تاريخ النقابة من طقطق لسلامو عليكو احمد حلمي مش حيكونوا افضل من سامح عاشور او طلعت السادات الف الف مره ، طيب والله لو الاستاذ صابر عمار اترشح لاكون اول واحد منتخبه مع انو محسوب على النقيب اللي راح ، ليه بقى ، لان الاستاذ صابر نقابيى محنك وراجل شغال وبتاع شغل وقنوع وعلى الاقل معندوش اطماع في توصيل قصر المقطم بقصر السليمانية وفتحهم على بعض الاتنين
طيب يا استاذه وانتم طبعا استاذه كبار أوى زى ما انا شايف من المشاركات بتاعة حضراتكم انتم عاملين منتدى محامين وبتقولوا نخبه وكلام كبير أوي يمكن ما حدش كتير فاهمه من نفس الناس اللي بيقولوه
ليه محدش فاهمه
لأن المفروض المنتدى دا يكون ليه اجندته الخاصه امال بس فالحين نقول منتدى منتخصص ويكون له مرشحين على كل المستويات حتى في العامة والفرعية ويعقد اجتماعات ولقاءات كتيره ونتفق داخليا بينا وبين بعض على مرشح في كل محافظة او مرشح لمنصب كذا وكذا وكذا والكذوات كتير والكوادر عندنا اكتر في المنتدى وبره المنتدى .. ولا احنا بس مش عايزين نمشي غير في الزفة ونطبل للعريس البراني.
واظن كفايه كده خالص ومش حتكلم تاني لان مفيش حد عايز يفهمني ويعرف انا عايز اقول ايه ولا حتى انا عارف بقول ايه
لكن اهي تكاتيك انتخابيه والسلام
وتكتك دي طبعا جايه من تكتك لأننا فعلا في زمن تكتك اللي مش لاقيين فيه واحد عملاق في الجوهر مش المظهر يبقى نقيب محامين غير النقيب السابق وطلعت السادات
شكرا لكم