حرامي الرغيف
تسرق رغيف يا حرامي و تتحبس شهرين ؟!
لو كنت قاضي المدينة لا حبسك سنتين
لأن ذنبك يا مجرم يعتبر ذنبين
المهنة رخصتها لما سرقت رغيف
وسرقت من قبل ما تصبح وجيه وشريف
لا انت حرامي تشرفنا ولا انت وجيه ويا ويله
ما أتعسه الواقف ما بين بينين
تهجم علي السرقة ليه يا أجهل الجهال
رئيس قلم حضرتك ؟ ولا مدير أعمال
السرقة يابن الحلال صنعة وعايزة رجال
لهم في فض المشاكل و الأمور تصريف
ومن وراهم ضهور جامدة وجنس لطيف
بيهونوا اللي جري و يلطفوا تلطيف
وفين تروح بالرغيف جنب الأكابر فين
بقلم / بيرم التونسي
 
|