منتدي المحامين العرب  المنتدى العام  أنت معانا .. ولا مع الناس التانيين

العصفورة التاريخ 1/15/2008 3:18:41 AM   أنت معانا .. ولا مع الناس التانيين       عش العصفورة الكائن بسوتش نقابة المحامين اصبح شديد البرودة بفعل حلول شهر طوبة والقاء مائة طوبة على دماغها من يوم ظهورها .. لذلك قررت أن تقوم بانشاء عش اخر فى منطقة مشمسة من النقابة على غرار فيلا مارينا وشاليهات شرم الشيخ لتتخذ منه مشتى .. ووقع اختيار العصفورة على شباك أحد غرف مبنى النقابة القديم فانتقلت اليه على الفور ومعها مزيد من القش وخلافه وشرعت فى بناء عشها .. أثناء بناء العش اخترق سمع العصفورة همهمة داخل الغرفة .. وكعادتها على الفور طرطقت العصفورة أذنيها وراحت تسمع الحوار الدائر .. وكان الحوار يدور بين عضوين بمجلس النقابة أحدهما ناجح على قائمة النقيب والآخر ناجح على قائمة الإخوان .. ودار الحوار على النحو التالى : عضو المجلس من قائمة النقيب :  يا عم ( 000) أنت مش ناوى تنضم لنا بقى .. صدقنى أنا بحبك وعايز مصلحتك الإخوان مش حاينقعوك . عضو المجلس من قائمة الاخوان : وهم كانوا نفعونى قبل كده .. وبعدين انضم لكم فين هو فى حاجة بتحصل . عضو المجلس من قائمة النقيب : صدقنى أنا عايز مصلحتك المستقبل معنا والايام الجاية بتاعتنا . عضو المجلس من قائمة الاخوان : ليه هو القانون حايتعدل فعلا عضو المجلس من قائمة النقيب : مش بس القانون ده قانون 100 حايتعدل كمان عضو المجلس من قائمة الاخوان : تقصد ايه عضو المجلس من قائمة النقيب : اللجنة القضائية حاتتلغى والاشراف القضائى كمان وايام زمان حاترجع تانى عضو المجلس من قائمة الاخوان : ايام زمان ازاى يعنى عضو المجلس من قائمة النقيب : ما تفتح مخك بقى يا ( 000 ) باقولك الاشراف القضائى حايتلغى يعنى قاننون 100 حايجيب لجنة من غير القضاة للاشراف على الانتخابات عضو المجلس من قائمة الاخوان : وبعدين عضو المجلس من قائمة النقيب :  يعنى فرز الصناديق حايبقى تحت السيطرة .. أنت عامل نفسك مش فاهم .. عضو المجلس من قائمة الاخوان : تقصد ان الانتخابات حاتتزور عضو المجلس من قائمة النقيب : بص مش عايزين لف ودوران وأنا لو مكنتش بحبك مكنتش كلمتك .. صدقنى الايام الجاية بتاعتنا مش بتاعة الاخوان .. الحكومة مش حاتسمح برجوع الاخوان لا فى مجلس الشعب ولا فى أى نقابة عضو المجلس من قائمة الاخوان : آه ه  ..  ده قصدك من ايام زمان عضو المجلس من قائمة النقيب : بص انا مش حاوضح لك اكتر من كده  بس افهم كويس .. ايام زمان حاترجع تانىىىى  .. بس .. انت حر بقى عضو المجلس من قائمة الاخوان : وانت شايف انى اعمل ايه عضو المجلس من قائمة النقيب :  حاول تحسن علاقتك بالنقيب عضو المجلس من قائمة الاخوان : مفهوم  .. مفهوم !!! عضو المجلس من قائمة النقيب : أسيبك بقى علشان عندى محاضرة .. وانت فكر كويس فى اللى قولته لك وشوف حاتعمل ايه عضو المجلس من قائمة الإخوان : ماشى العصفورة : لا تعليق   ايمن رشدى    عدد المشاركات   >>  16              التاريخ   >>  15/1/2008 اى محاولة لاستبعاد القضاء من الاشراف على الانتخابات ليس لها الا معنى واحد ان هذه الانتخابات سوف تزور لصالح مرشحى الحكومة وكلنا متوقعين ذلك ويابخت من كان الحكومة خاله او نقيبه او عضو مجلسه 1

الانتقال السريع        اختــــار ------ منتـــدي المنتدى العام ------ ------ منتـــدي من أعلام القضـاة والمحـامين العرب ------ ------ منتـــدي استراحة المنتدى . ------ ------ منتـــدي منتدى الاستشارات القانونية ------ ------ مكتبـــة الأبحاث القانونية------ ------ مكتبـــة القوانين العربية------ ------ المكتبـــة الصوتية------