عقب انتهاء المؤتمر الصحفى الذى انعقد فى مركز هشام مبارك بدعوة زميلنا الغالى الاستاذ العوضى والذى انشغل فية عنى كثيرا ولكنى اقدر موقفة واتمنى ان يظل حال المحامين على الترابط
واثناء رحلة رجوعى لمنزلى بمدينة نصر قلت افوت على النقابة اشوف الاحوال بعد ما تسلمتها اللجنة القضائية وبمجرد وصولى على باب النقابة وإذ بى اجد الباب مغلق وخلفة عمالقة بشريون يرتدون أرواب المحاماة يمنعون دخول او خروج اى فرد والموظفين بالداخل يستغيثون من هذا الحبس فوقفت لكى اعرف ما الحدث فقالى لى احد المحامين من خلف الباب الحديد نصبوا علينا وخدوا الفلوس ومش عاوزين يسلمونا الكارنيهات الا لما نستكمل اجراء الكشف الطبى الذى استحدثة القانون 0 وللوهلة الاولى قلت فى نفسى طب ما تستكملوة طالما انة تم تشريعة بقانون جديد الا ان الطريف فى الامر ان هؤلاء المحامين الجدد تم تقدمهم للنقابة قبل نفاذ القانون الا ان اللجنة القضائية عاوزة تطبف عليهم القانون باثر رجعى
طب ازاى الناس دى دخلت النقابة قبل اصدار القانون والمفروض انة يسرى على الوقائع اللاحقة ليوم نفاذة يعنى مش على دول
وازاى موضوع زى دة يفوت على رئيس محكمة الاستئناف الذى يتولى النقابة حاليا ولا هو مش بيطبق القانون ولا القانون اتغير ولا اية
المهم شوية ولاقينا رجال الأمن برتب العقيد والمقدم والملازم اول وحتى الامناء وكمان ضابط مباحث يسرعون نحو الباب ويطلبون فتحة ولكن تقول لمين بصراحة محامين رجالة
وعندما تفهم رجال الشرطة الامر بصراحة انضموا للمحامين ومن المواقف الطريفة ان المحامون الجدد خلال تظاهرهم قام احدهم وارتفع فوق السور الحديدى وتلا عليهم اليمين وهم ورائة يهتفون وكدة حلفوا اليمين 0000
وفى نهاية الأمر وبعد محاولات ومحاولات اتى الخبر ان يتم تسليم المحامون الجدد الكارنيهات
طب لية كل دة كان لازم يعنى البهدلة دى ولا خلاص اصبح دلوقت عرف انك علشان تاخد حق لك لازم تأخذة بالدراع ؟؟
بصراحة الوقفة كانت مشرفة جدا وانا وقتها كنت سعيد بهذا الجيل الذى يرفض الهبل القضائى ونظام فووووت علينا بكرة
وتحياتى لهم
ودى كانت مظهر من مظاهر النقابة فى عهد اللجنة القضائية المحامن تحلف اليمين على السووووووور
