|
|
|
|
|
|
|
|
|
|
|
|
|
التاريخ
5/22/2008 8:02:13 AM
|
 اللى مش عجبه يشرب يا من البحر ولا من النيل ولا من ماية المجارى
|
بمناسبة تمرير قانون المحاماة الجديد فى مجلس الشعب لاحديث فى أوساط المحامين وقاعات المحاكم الا هذا القانون مابيين رافض ومؤيد وبصراحة أنا متعجب ومندهش من زعل المحامين مع ان أنا واحد منهم ومش مندهش ومش مستغرب اسألونى ليه وأنا حا أقولكم ليه ؟
أولا : قانون المحاماة الجديد ده قانون من حزمة وربطة قوانين أعدت وتم طبخها مخصوص فى مطبخ الحزب الوطنى لزوم هذه المرحلة بدأ من التعديلات الدستورية مرورا بمشروع قانون السلطة القضائية والييوم قانون المحاماة وغدا قانون الارهاب
ثانيا : قانون المحاماة الجديد حايتوافق عليه بمزاج المحامين ولا غصب عنهم واللى مش عجبه يخترله بحر يشرب منه يالبحر الأحمر وده مايته هادية ومش بيتعب يالبحر الأبيض المتوسط وللى مش عجبه ماية البحار عندنا ماية النيل العذبة ولو مش عجبه ماية النيل فيه ماية المجارى ودى مش بعيده عليه موجوده فى حنفيية البيت وسلام ياصاحبى !؟  
تصحيح واجب :
* حزمة القوانين الجديدة التى أعدت وتم طبخها فى مطبخ الحزب الوطنى .. أما قانون المحاماة فقد قام الحزب الوطنى بأستأجر مطبخ خارجى لطبخه وهو المطبخ الكائن فى شارع 26 يوليو .. وحصل الطباخ على أجر مجزى جدا .. وعد بكرسى الحمام مدى الحياة .
* اللى مش عاجبه يشرب من البحر او النيل أو مياه المجارى الموجودة بالحنفية .. ماسورة مجارى ضربت فى النقابة وتخرج عنها رائحة عفنة .. لكننا لن نشرب منها .. سندافع عن حقنا حتى النفس الاخير ( على الرأى القابع حتى النفس الأخير ) .. وسنبدأ بوقفة احتجاجية أمام مجلس الشعب الأثنين .. بعدها سنرفع سقف الاحتجاجات وإن وصلت الى مسيرة لقصر عابدين .. يعملونا لنا قضية .. يحبسونا .. تيجى زى ما تيجى .. الله غالب
أحمد حلمى
المحامى بالنقض
www.almohameen.com
|
يوم لا ينفع مال ولا بنون
01227300510
|
|
|
|
|
|
|
|
|
|
|
|
|
|