منتدي المحامين العرب  المنتدى العام  وبدأ سيل الإعلام الحكومى التلميعى

العصفورة التاريخ 5/10/2008 5:35:11 PM   وبدأ سيل الإعلام الحكومى التلميعى       اليوم مساء على القناة الثانية وعلى الفضائية المصرية فى ذات الوقت .. حلقة برنامج البيت مش بيتك  .. موضوع الحلقة القيم الحلوة والقيم اللى جاية من برة والقيم التى اتغيرت  ..  ضيوف الحلقة  ..فنان تشكيلى يدعى صلاح   .. وبعد غياب طويل عن التلفزيون الحكومى .. الاستاذ سامح عاشور ( نقيب المحامين عن الدورة المنتهية بطلانا ) . همس احد الخبثاء فى اذن العصفورة أن التلميع الحكومى الاعلامى بدأ مبشرا بقرب الانتخابات  .. العصفورة قالت مش معقول  .. عادى جدا انهم يستضيفوا الاستاذ سامح بوصفه شخصية عامة ونائب رئيس الحزب الناصرى ونقيب المحامين السابق  .. بس صحيح  .. مش كل واحد يبقى ضيف فى الحلقة اللى تتناسب واختصاصاته  .. يعنى سياسة .. احزاب .. قانون .. نقابات  .. انما ايه ده اللى القيم الحلوة والقيم الوحشة  ؟؟؟ ومع ذلك فالعصفورة قالت تتحلى بحسن النية وتشوف ايه اللى حايتقال .. تحدث الاستاذ سامح .. مش كتير قوى يادوب شوية  .. قال فيها ان القيم الحلوة بتاعة جوه احسن من القيم الوحشة بتاعة برة .. واننا زمان كنا اشتراكيين انغلاقيين وبعدين بقينا انفتاحيين نصابين .. وبعدين بقينا رأسمالين اقطاعيين  .. وان ما اخد بالعافية لازم يسترد بالعافية  .. وربنا يديكوا العافية .. هو ايه اصله ده  ؟؟؟؟  الحكاية دى بتفكرنى بالاعلام الحكومى الغبى لما فكر يلمع مرشح  فجاب اجله  ..  هو في ايه  !!! بحثت العصفورة عن مصادرها  .. فأفادت احد المصادر أن فى لقاء عليوى من بتوع الناس العليوى اشتكى النقيب من تجاهل التلفزيون المصرى له  .. وفى نفس الجلسة حصل من أنس الفقى وزير الاعلام على بعض الوعود  .. فهل يا ترى  .. بدا سيل التلميع الاعلامى الحكومى  ؟؟؟ بس لو اعرف ايه الفرق بين القيم الحلوة اللى جوة والقيم الوحشة اللى برة  .. كنت استريحت !!!! العصفورة

الانتقال السريع        اختــــار ------ منتـــدي المنتدى العام ------ ------ منتـــدي من أعلام القضـاة والمحـامين العرب ------ ------ منتـــدي استراحة المنتدى . ------ ------ منتـــدي منتدى الاستشارات القانونية ------ ------ مكتبـــة الأبحاث القانونية------ ------ مكتبـــة القوانين العربية------ ------ المكتبـــة الصوتية------