|
|
|
|
|
|
|
|
|
|
|
|
|
التاريخ
2/23/2008 4:48:49 PM
|
 عايز يلبسهم العمة !!!
|
المكان : أحد الأماكن المطلة على نهر النيل
الزمان : أحد ايام الأسبوع اللى فات
الحدث : " س " قابل " م "
== == ==
س : النقابة داخلة على مرحلة خطيرة جدا وانا شايف أن لازم كل القوى تتوحد للخروج بالنقابة من المرحلة القادمة والحفاظ عليها
م : تقصد ايه بالمرحلة الجاية تقصد يعنى علشان حكم البطلان والانتخابات
س : لاء طبعا أنا متخوف من تدخلات حكومية بدأت تظهر وحايستغلوا حالة الانشقاق والانقسام اللى احنا فيها
م : ما انت اللى دايما تستعين بالحكومة علينا دلوقتى حاتقول خايف من الحكومة
س : مش صحيح انا مش باستعين بالحكومة دى اشاعات انتوا اللى بتروجوها
م : يعنى تفتكر فى حد مايعرفش موضوع مقابلاتك مع مفيد شهاب وزياراتك لمجلس الشعب .
س : انا مش باتحالف مع الحكومة لكن بحكم المنصب الى انا فيه اكيد حايكون فى اتصالات بينى وبين المسئولين لكن انتوا بحتبوا تعملوا عليها اشاعات انى باتحالف مع الحكومة ضدكم
م : عموما ده مش وقت نتحاسب فيه على اللى فات .. ايه بالظبط الى حضرتك عايزه من لقائنا ده
س : شوف يا استاذ " م " انا شايف اننا حاربنا بعض كتير واذا استمرينا فى المعركة دى حانضعف بعض ونضعف النقابة معنا وده ممكن يساعد الحكومة على اختراق النقابة مستفيدة من الخلافات اللى بينا
م : ورؤية حضرتك ايه
س : أنا عندى لك اقتراح محدد
م : اتفضل انا سامعك
س : احنا نتفق على خطة للمرحلة القادمة
م : تقصد ايه بالمرحلة القادمة قصدك المجلس
س : لاء طبعا انا باتكلم عن الانتخابات
م : يعنى انت شايف ان الحكم حايتنفذ وحاتتعمل انتخابات
س : ده بنسبة 100% حايحصل معنديش شك فيه
م : انا شايف ان الحكم اللى صدر ده مش حكم سياسى ده اجتهاد من المحكمة واعتقد ان الادارية العليا حاتلغيه
س : ده كلام مش صحيح الحكومة بديل تعديل قانون المحاماة عندها هو الحكم ده .. عموما اسمع كلامى انا اعرف عنهم اكتر منك وواثق من اللى انا باقوله لك .
م : طيب اتفضل كمل ايه رؤيتك
س : انا شايف اننا لازم نتوحد فى المرحلة القادمة ونجمع كل التيارات والاتجاهات علشان نضمن عدم اختراق النقابة
م : عند حضرتك اقتراح محدد
س : طبعا
م : طيب اسمعه
س : انا باقترح عليكم اننا ننزل الانتخابات بقايمة واحدة تبقى قائمة قومية تضم كل العناصر النقابية اللى نضمن لها اجماع من المحامين وقوتكم مع قوتى نضمن بها نجاح القائمة دى وبكده نفوت الفرصة على اى حد يحاول يستغل الانقسام اللى بينا ويخترق النقابة
م : والقائمة دى تتشكل ازاى
س : نشكلها من كل الاتجاهات ويكون كل مرشحينها شخصيات نقابية لها شعبية وتاريخ نقابى بحيث نضمن اكبر قدر من التصويت لها ونبقى ضامنين نجاحها
م : يعنى اختيار المرشحين فيها تبقى ازاى ومين يختارهم
س : حانختارهم بالاتفاق بينا وبينكم
م : ونختار نسب المشاركة فيها ازاى
س : هو انتوا كل اللى يهمكم الاغلبية انا باقول تبقى قائمة قومية معتدلة تضم كل التيارات
م : والله يا استاذ " س " القرار فى حاجة زى دى مش قرارى لوحدى
س : هو انتوا عندكم رؤية محددة لقائمتكم فى الانتخابات الجاية
م : احنا لسه ما درسناش الحكاية دى مفيش رؤية محددة لغاية دلوقتى
س : يعنى انت موافق على الاقتراح الى قلته لك ولا لاء
م : زى ما قلت لك ده مش قرارى لوحدى فى لجنة مسئولة عن اتخاذ القرار .. كل اللى اقدر اقوله لك انى حاعرض عليهم اقتراحك واقولك ردهم
س : وده ممكن يكون امتى
م : لاء ده بياخد وقت مش قليل لان القرار عندى تصعيدى يعنى مش اللجنة لوحدها هى الى بتاخد القرار ده لازم يتعرض على المحامين ويقولوا رأيهم وبتصعد رأيهم للجنة واللجنة تقول رأيها وتصعده لقيادتها .
س : ايوة بس الموضوع مش حايستحمل تأجيلات لأن الوقت مش فى صالحنا
م : كل اللى اقدر اوعدك به انى حاعرض عليهم اقتراحك ونشوف رأى الناس فيه ايه
س : عموما حاستنى ردك
م : إن شاء الله
العصفورة : لا تعليق
  
لن يرد ( م ) على (س ) لان كل منهما له طموحات الحفاظ على اغلبية الاصوات داخل المجلس
|
النقابة داخلة على مرحلة خطيرة جدا وانا شايف أن لازم كل القوى تتوحد للخروج بالنقابة من المرحلة القادمة والحفاظ عليها
والله اللي انا شايفة ان لا - س - ولا - م - همهم الخروج من النقابة من اي مأزق الهم الاكبر هو الحفاظ علي الكراسي والا ما هي المشكلة لو تمت انتخابات في اجواء ديمقراطية ويترشح من يريد الترشيح وللمحامين الكلمة العليا في هذه الانتخابات .. اما توحيد الصفوف والقوي فهذا هو تلبيس العمة بس مش لميم لا ده للمحامين
مصطفي عبد الحميد
المحامي
|
|
|
|
|
|
|
|
|
|
|
|
|
|